Roma ka konfirmuar sot transferimin Paulo Dybala, i cili transferohet si lojtar i lirë në Olimpico, pasi 7 sezoneve të kaluara te Juventusi.

Futbollisti argjentinas ka nënshkruar një kontratë që e lidh atë me klubin romak deri në 30 qershor të vitit 2025.

Pas nënshkrimi të kontratës, Dybala ka zbuluar arsyet teksa ka dhënë edhe fjalët e para si lojtar i Romës.

“Ditët që më çuan në këtë nënshkrim ishin një ndërthurje e shumë emocioneve: vendosmëria dhe shpejtësia me të cilën Roma tregoi se më donte mua, bëri ndryshimin”, ka thënë fillimisht Dybala.

“Po i bashkohem një ekipi në rritje, me një klub që vazhdon të vendosë themele gjithnjë e më të forta për të ardhmen dhe një trajner si Jose Mourinho, me të cilin është një privilegj të punosh”.

“Si kundërshtar e admirova atmosferën e krijuar nga tifozët Giallorossi, mezi pres t’i përshëndes me fanellën e Romës”, përfundoi argjentinasi.

Sulmuesi argjentinas do të veshë te Roma fanellën me numër 21. /arbresh.info/

La foto che stavate aspettando pic.twitter.com/lYYMEODs3m

— AS Roma (@OfficialASRoma) July 20, 2022